Маркетынгавая і інфармацыйная падтрымка ў сферы знешнеэканамічнай дзейнасці

Даследаванні рынкаў замежных дзяржаў

Сумесна з заказчыкам вызначаем крытэрыі пошуку інфармацыі і далей ажыццяўляем комплекснае даследаванне замежнага або айчыннага рынку – аналіз бягучай сітуацыі ў пастаўках і спажыванні пэўных відаў прадукцыі (паслуг), выяўленне перспектыўных тэндэнцый (рыначных ніш) і магчымых пагроз з пункту гледжання змянення ўзроўню спажывання, вызначэнне асноўных груп спажыўцоў і асаблівасцей попыту з іх боку (аб'ём, сезоннасць, плацежаздольнасць), ступень канкурэнцыі з боку нацыянальных вытворцаў і прысутных на рынку замежных кампаній і інш. У рамках даследавання вывучаюцца асноўныя вытворцы, дыстрыб'ютары, іх збытавыя ланцужкі і да т.п., пры неабходнасці збіраюцца і сістэматызуюцца камерцыйныя (цэнавыя) прапанаванні, ажыццяўляецца комплексны аналіз знешнегандлёвай статыстыкі з элементамі бенчмаркетынгу па асноўных канкурэнтах, у тым ліку аналіз іх цэнавай і рэкламнай стратэгіі, інфраструктуры прасоўвання, насычанасць асартыменту, SWOT аналіз і да т.п.

Хто заказвае гэту паслугу:

• суб’екты гаспадарання Рэспублікі Беларусь, якія плануюць экспарт прадукцыі на новыя малавывучаныя рынкі замежных краін;
• суб’екты гаспадарання Рэспублікі Беларусь, якія праводзяць паглыблены аналіз сітуацыі на ўнутраным рынку краіны ў канкрэтных таварных нішах (аналіз імпарцёраў, прадстаўнікоў замежных вытворцаў і іх збытавых арганізацый і да т.п.);
• замежныя суб’екты гаспадарання, зацікаўленыя ўваходзіць на беларускі рынак з новай прадукцыяй або нарошчваць аб’ёмы паставак праз існуючыя або новыя каналы збыту.