Адкрыццё выставачнага павільёна Валагодскай вобласці

Мінскае аддзяленне Беларускай гандлёва-прамысловай палаты запрашае прадстаўнікоў бізнес-супольнасці, зацікаўленых прадпрыемстваў і арганізацый прыняць удзел у прэзентацыі інвестыцыйна-эканамічнага і турыстычнага патэнцыялу Валагодскай вобласці і праекта «Зроблена ў Валагодчыне» ў рамках адкрыцця кропкі прысутнасці валагодскіх вытворцаў на пляцоўцы Мінскага аддзялення БелГПП.

Мерапрыемства адбудзецца 26 жніўня 2026 года ў 14:00 па адрасе: пр-т Партызанскі, дом 8, корпус 7, 3-ці паверх.

Дадзены праект рэалізуецца ў рамках дамоўленасцяў, дасягнутых падчас правядзення «Дзён Валагодскай вобласці ў Рэспубліцы Беларусь».

Адкрыццё дэманстрацыйнай залы дае беларускаму бізнесу магчымасць азнаёміцца з патэнцыялам вядучых расійскіх вытворцаў для далейшага ўзаемавыгаднага супрацоўніцтва. Свае дасягненні і эксклюзіўныя навінкі прадставяць больш за 30 найбуйнейшых прадпрыемстваў Валагодскай вобласці, якія прадэманструюць пяць ключавых галін:

• цяжкая апрацоўчая прамысловасць;
• аграпрамысловы комплекс;
• лясная індустрыя;
• дрэваапрацоўка і драўлянае домабудаванне;
• крэатыўныя брэнды і народныя мастацкія промыслы (уключаючы знакамітыя валагодскія карункі).

Для ўдзелу ў мерапрыемстве неабходна зарэгістравацца не пазней за 25 жніўня 2026 г.

РЭГІСТРАЦЫЯ

Падрабязную інфармацыю можна атрымаць па кантактных тэлефонах: +375 17 371 08 00, +375 29 106 98 96, е-mail: eet@tppm.by .