Сустрэча з дэлегацыяй правінцыі Гуйчжоу (КНР)

У Беларускай гандлёва-прамысловай палаце адбылася сустрэча намесніка старшыні БелГПП Дзяніса Мялешкіна з дэлегацыяй дзелавых колаў правінцыі Гуйчжоу (Кітайская Народная Рэспубліка) на чале са старшынёй Гандлёвай палаты правінцыі Гуйчжоу Лі Ханьюй.

У ходзе сустрэчы разгледжаны агульныя пытанні гандлёва-эканамічнага супрацоўніцтва беларускіх арганізацый з кампаніямі правінцыі Гуйчжоу ў кантэксце агульнага стратэгічнага партнёрства Беларусі і Кітая, магчымыя напрамкі ўзаемадзеяння па лініі гандлёва-прамысловых палат у мэтах прасоўвання дзелавых сувязей, пашырэння наменклатуры ўзаемных паставак і кааперацыі.

У прыватнасці, бакі абмеркавалі магчымасці правядзення дзелавых мерапрыемстваў для ўстанаўлення асабістых кантактаў бізнесу, візітаў дэлегацый, у тым ліку ў рамках удзелу ў выставачных праектах у Беларусі і на тэрыторыі правінцыі Гуйчжоу, прэзентацый эканамічнага, інвестыцыйнага, культурнага патэнцыялу, а таксама іншыя пытанні.

Першы намеснік старшыні камітэта эканомікі Віцебскага аблвыканкама Канстанцін Чорны, які прыняў удзел у сустрэчы, прэзентаваў патэнцыял Віцебскай вобласці. У мэтах умацавання міжрэгіянальнага гандлёва-эканамічнага ўзаемадзеяння абмеркаваны магчымасці ўстанаўлення партнёрства паміж Гандлёвай палатай правінцыі Гуйчжоу і Віцебскім аддзяленнем БелГПП.

Акрамя таго, увазе членаў кітайскай дэлегацыі прадстаўлены прэзентацыі лагістычных магчымасцей ТАА «Брэміна Груп» і кампаніі «Рузэкспедыцыя».