Удзел старшыні БелГПП М.Мятлікава ў сустрэчы ў пашыраным складзе Прэм'ер-міністра Рэспублікі Беларусь Р.Галоўчанкі і Кіраўніка Рэспублікі Башкартастан Р.Хабірава

Старшыня Беларускай гандлёва-прамысловай палаты Міхаіл Мятлікаў прыняў удзел у сустрэчы ў пашыраным складзе Прэм'ер-міністра Рэспублікі Беларусь Рамана Галоўчанкі і Кіраўніка Рэспублікі Башкартастан Радыя Хабірава.

Сустрэча адбылася ва Уфе 11 кастрычніка, у Дзень Рэспублікі Башкартастан. На парадку дня – пытанні ўмацавання супрацоўніцтва, рэалізацыі сумесных праектаў у эканоміцы і сацыяльнай сферы.

Бакі адзначылі значную актывізацыю двухбаковых адносін за апошні год, гатоўнасць і зацікаўленасць у нарошчванні двухбаковых гандлёва-эканамічных сувязей, пашырэнні партнёрства ў машынабудаванні і іншых сферах.

Напярэдадні дэлегацыя Беларусі прыняла ўдзел у цырымоніі адкрыцця завода па вытворчасці зернесушыльных комплексаў ТАА «Амкадор-Агідэль» ва Уфе. Акрамя таго, быў пакладзены пачатак будаўніцтву новага завода па вытворчасці будаўнічай і камунальнай тэхнікі – ТАА «Амкадор-Алга».

Новае сумеснае беларуска-расійскае прадпрыемства ў Башкортастане будзе выпускаць зернеачышчальна-сушыльныя комплексы для пасляўборачнай апрацоўкі збожжавых, зернебабовых, крупяных і алейных культур. За год плануюць вырабляць да 40 такіх комплексаў.