Экспазіцыя Made in Belarus на выставе Ulaanbaatar Partnership 2024 ў Манголіі

Сфарміраваная ўнітарным прадпрыемствам «Белінтэрэкспа» Беларускай гандлёва-прамысловай палаты экспазіцыя беларускіх вытворцаў Made in Belarus прадстаўлена ў Манголіі ў рамках міжнароднай шматгаліновай выставы Ulaanbaatar Partnership 2024, якая праходзіць з 26 па 29 верасня ў горадзе Улан-Батар.

Урачыстае адкрыццё экспазіцыі адбылося з удзелам Надзвычайнага і Паўнамоцнага Пасла Рэспублікі Беларусь у Манголіі Дзмітрыя Гарэліка.

Работа арганізаванай экспазіцыі беларускіх вытворцаў працягвае комплексную рэалізацыю міждзяржаўных дамоўленасцей па выніках дзяржаўнага візіту Прэзідэнта Рэспублікі Беларусь у Манголію ў чэрвені 2024 года.

Цяперашні выставачны форум Ulaanbaatar Partnership 2024 ахоплівае шырокі спектр тэматычных раздзелаў ад харчовай сферы да аховы здароўя, будаўніцтва і цяжкай прамысловасці.

Беларусь уваходзіць у топ-традыцыйных удзельнікаў міжнароднай выставачнай падзеі. Прымаючы пад увагу попыт і спецыфіку рынку Манголіі, у рамках Ulaanbaatar Partnership 2024 айчынны флагман машынабудавання ААТ «МАЗ» – кіруючая кампанія холдынгу «БЕЛАЎТАМАЗ» прэзентуе вытворчую лінейку грузавой, пасажырскай, спецыяльнай, прычапной аўтатэхнікі.

У складзе экспазіцыі Made in Belarus адзін з лідэраў сусветнага рынку па вытворчасці сельскагаспадарчай тэхнікі ААТ «Гомсельмаш» – кіруючая кампанія холдынга, які прадстаўляе распрацоўкі і тэхніку, у тым ліку збожжаўборачныя камбайны GS12A1, GS400 і G5, самаходныя касілкі CS100, CS200.

ААТ «УКХ «БКМ» / BKM Holding – найбуйнейшае прадпрыемства па вытворчасці гарадскога электрычнага транспарту і зараднай інфраструктуры прэзентуе маштабны макет тралейбуса мадэлі 32100d серыі Olgerd з павялічаным аўтаномным ходам да 20 км.

Сферу праектавання і вытворчасці прафесійных машын, абсталявання для аб'ектаў грамадскага харчавання і гандлю, харчовай прамысловасці ад беларускага боку ў рамках выставы Ulaanbaatar Partnership 2024 прадстаўляе профільнае прадпрыемства ААТ «Торгмаш».

Сярод экспанатаў беларускага стэнда ДВА «Белтопгаз» прадстаўлена тарфяная прадукцыя непаліўнага прызначэння: верхавы торф розных фракцый, тарфяныя пажыўныя грунты і покрыўны матэрыял для вырошчвання шампіньёнаў на аснове торфу.

Падчас выставы запланаваны дзелавыя сустрэчы і перамовы з прадстаўнікамі буйных гандлёвых кампаній Манголіі і краін-удзельніц міжнароднага форума.