Дзелавы візіт у Санкт-Пецярбург

25-27 верасня дэлегацыя беларускіх прадпрыемстваў пад эгідай Брэсцкага аддзялення БелГПП наведала Санкт-Пецярбург і Ленінградскую вобласць.

Бізнес-місія прымеркавана да правядзення штогадовага Міжнароднага форуму здароўя і ахоплівала такія сферы як санаторнае аздараўленне і лячэнне, медыцынскія тэхналогіі і абсталяванне, медыцынскі турызм.

У ходзе азнакамлення з выставачнай экспазіцыяй беларускія ўдзельнікі правялі шэраг карысных сустрэч, у тым ліку з кампаніямі па вытворчасці інавацыйнага абсталявання для дыхальнай тэрапіі і гіпаксічных трэніровак, для гала - і спелеатэрапіі, інгаляцыйнай фізіятэрапіі, распрацоўшчыкамі комплексу пульсавай дыягностыкі і мн.інш.

Таксама ў рамках форуму адбылася сустрэча членаў беларускай дэлегацыі з кіраўніцтвам Санкт-Пецярбургскага Камітэта па ахове здароўя, Санкт-Пецярбургскага агенцтва медыцынскага турызму, з турыстычнымі кампаніямі, зацікаўленымі ў рэалізацыі пуцёвак у беларускія здраўніцы. Насычанай трохдзённай праграмай было прадугледжана наведванне шэрагу медыцынскіх кампаній і цэнтраў, у тым ліку Паўночна-Заходняга цэнтра доказнай медыцыны – сучаснага медыцынскага кластара, які аказвае поўны цыкл медыцынскай дапамогі на этапах дыягностыкі, лячэння, рэабілітацыі і прафілактыкі, а таксама найбуйнейшага сучаснага афтальмалагічнага цэнтра «ЗРЕНИЕ» і сямейнага прадпрыемства «Эліксір», які выпускае унікальныя прадукты для санаторыяў і СПА на аснове бурштыну.

Мерапрыемства арганізавана сумесна з Саюзам «Гандлёва-прамысловая палата Ленінградскай вобласці"