Дзелавы візіт у Рэспубліку Узбекістан

Дзелавы візіт у Рэспубліку Узбекістан дэлегацыі прадпрыемстваў харчовай галіны Брэсцкай вобласці арганізаваны Брэсцкім аддзяленнем БелГПП з 27 па 30 мая 2025 года.

Мэта - устанаўленне прамых кантактаў з узбекскімі перапрацоўчымі і гандлёвымі прадпрыемствамі, прасоўванне экспарту прадукцыі, у прыватнасці, мяса ялавічыны, вывучэнне рынку харчовай індустрыі Узбекістана, тэхналогій перапрацоўкі і вытворчасці гатовай прадукцыі.

Падчас чатырохдзённага візіту брэсцкая дэлегацыя наведала такія гарады як Ташкент, Самарканд і Бухара, у кожным з якіх прайшлі профільныя перамовы, наведванне вытворчых прадпрыемстваў, а таксама сустрэчы ў рэгіянальных гандлёва-прамысловых палатах. У ходзе сустрэч адбылося падпісанне Пагадненняў аб супрацоўніцтве з ГПП Самаркандскай і Бухарскай абласцей, у якіх бакі зафіксавалі свае намеры развіваць узаемавыгаднае гандлёва-эканамічнае супрацоўніцтва, садзейнічаць умацаванню дзелавых сувязей і ажыццяўляць узаемныя бізнес-місіі.

У скарбонцы вынікаў візіту таксама падпісанне Брэсцкім аддзяленнем Пагаднення аб супрацоўніцтве з выставачным аператарам RESOF EXPO. Гэта дасць магчымасць выкарыстоўваць выставачныя пляцоўкі Узбекістана для прасоўвання экспартаарыентаваных прадпрыемстваў Брэсцкай вобласці.

Па пытаннях супрацоўніцтва з Рэспублікай Узбекістан просім звязвацца з аддзелам ЗЭС, мытнага дэкларавання і працы з членамі палаты Брэсцкага аддзялення БелГПП па тэл. +375162 218102, 208080, +375296531733 (A1), эл. пошце ved@ccibres.by