Беларуска-Аманская бізнес-сустрэча

Прадстаўнікі дзелавых колаў Беларусі і Амана абмеркавалі магчымасці развіцця гандлёва-эканамічнага і інвестыцыйнага супрацоўніцтва ў ходзе двухбаковай бізнес-сустрэчы. Мерапрыемства адбылося ў Беларускай гандлёва-прамысловай палаце.

Сустрэчу беларускага і аманскага бізнесу адкрылі намеснік старшыні БелГПП Дзяніс Мялешкін і старшыня аддзялення Аманскай гандлёва-прамысловай палаты губернатарства Паўднёвая Шаркія Анвар Хамед Аль-Сінані. У сваіх выступленнях яны адзначылі канструктыўны характар міжпалацкага супрацоўніцтва, двухбаковых дзелавых адносін бізнес-колаў, а таксама значны патэнцыял для пашырэння партнёрства кампаній у розных сферах.

«У Беларусі і Амана ёсць шмат сфер, якія могуць быць цікавыя для бізнэсу. Аман - зручнае месца для вядзення бізнесу ў рэгіёне краін Персідскага заліва з развітой інфраструктурай і спрыяльным інвестыцыйным кліматам. І з улікам таго, што зараз у Амане ствараецца буйны лагістычны цэнтр, які будзе займацца імпартам прадукцыі (у тым ліку з Беларусі, Расіі і шэрагу іншых краін) і далейшым яе пераразмеркаваннем у бліжэйшым рэгіёне, вельмі відавочна, што сённяшняе мерапрыемства выклікала цікавасць у беларускіх кампаній», – Адзначыў Дзяніс Мялешкін.

Ён таксама падкрэсліў, што і Беларусі – экспартна арыентаванай дзяржаве з развітой прамысловасцю, сельскай гаспадаркай і сектарам паслуг, канкурэнтаздольным інвестыцыйным і падатковым кліматам – ёсць што прапанаваць аманскім партнёрам. «Упэўнены, што мы робім крокі ў патрэбным напрамку і сённяшняе мерапрыемства дасць магчымасць абазначыць новыя шляхі для развіцця гандлёва-эканамічнага ўзаемадзеяння і ў далейшай перспектыве раскрыць патэнцыял узаемавыгаднага супрацоўніцтва Беларусі і Амана», – адзначыў намеснік старшыні БелГПП.

Карыстаючыся выпадкам, ён запрасіў аманскія дзелавыя колы наведаць Беларусь з візітам у наступным годзе і прымеркаваць яго да правядзення ў Мінску Міжнароднай спецыялізаванай выстаўкі «Беларускі аграпрамысловы тыдзень «Белагра», якая пройдзе 4-9 чэрвеня, а таксама запэўніў, што Беларуская гандлёва-прамысловая палата прыкладзе максімум намаганняў для забеспячэння плённага і прадметнага бізнес-дыялогу паміж дзвюма краінамі.

Пасля прывітальных выступленняў увазе ўдзельнікаў сустрэчы прадстаўлены агляд наяўных і перспектыўных напрамкаў беларуска-аманскага гандлёва-эканамічнага супрацоўніцтва, а таксама перавагі дзелавога і інвестыцыйнага клімату Беларусі.

Прадстаўнікі прадпрыемстваў і арганізацый дзвюх краін у В2В-фармаце абмеркавалі магчымасці далейшага развіцця ўзаемадзеяння ў сферах будаўніцтва, аўтамабільнай, электратэхнічнай, хімічнай, харчовай прамысловасці, горназдабыўной вытворчасці, сельскагаспадарчага машынабудавання, турызму і гасцінічнага бізнесу.